13

കൊ​ക്കോ കുരു പൊ​ടി​ച്ചാണ് കൊ​ക്കോപ്പൊ​ടി തയാറാക്കുന്നത്. പ്രോട്ടീൻ, മഗ്നീഷ്യം, നാരുകൾ, ഇരുമ്പ്, മാംഗനീസ്, കോപ്പർ, ഫോസ്ഫറസ്, പൊട്ടാസ്യം, സിങ്ക്, ഫ്ലവനോൾസ് തുടങ്ങി‌യ പോഷകങ്ങൾ കൊക്കോ പൊടിയിൽ അടങ്ങിയിട്ടുണ്ട്. കലോറി വളരെ കുറവാണ്, പക്ഷെ പോഷകങ്ങൾ വളരെ കൂടുതലും. മധുരം ചേർക്കാത്ത കൊക്കോ പൊടി നോക്കി വാങ്ങി ഉപയോഗിക്കാം.

പോ​ളി​ഫീ​നോ​ൾ​സ് ധാ​രാ​ളം

കൊ​ക്കോ​യി​ൽ പോ​ളി​ഫീ​നോ​ൾ​സ് എ​ന്ന ആ​ന്‍റി​ഓ​ക്സി​ഡ​ന്‍റുക​ൾ ധാ​രാ​ളം. ഇ​ത് നീർവീ​ക്കം, ര​ക്ത​സ​മ്മ​ർ​ദം എന്നിവ കു​റ​യ്ക്കാ​നും ഹൃ​ദ​യാ​രോ​ഗ്യം മെ​ച്ച​പ്പെ​ടു​ത്താ​നും സ​ഹാ​യകം.

ഉ​യ​ർ​ന്ന ര​ക്ത​സ​മ്മ​ർ​ദം കു​റ​യ്ക്കുന്നു

കൊ​ക്കോ​യി​ലെ ഫ്ല​വ​നോ​ൾ​സ് ര​ക്ത​ത്തി​ലെ നൈ​ട്രി​ക് ഓ​ക്സൈ​ഡിന്‍റെ അ​ള​വ് കൂ​ട്ടും. ഇ​ത് ര​ക്ത​ക്കു​ഴ​ലു​ക​ളു​ടെ പ്ര​വ​ർ​ത്ത​നം മെ​ച്ച​പ്പെ​ടു​ത്തി ര​ക്ത​സ​മ്മ​ർ​ദം കു​റ​യ്ക്കും.
കൊ​ക്കോ അ​ധി​കമായി ചൂ​ടാ​ക്കി പ്രോ​സ​സ് ചെ​യ്താ​ൽ ഈ ​ഗു​ണ​ങ്ങ​ൾ ന​ഷ്ട​പ്പെ​ടാനിടയുണ്ട്. അതിനാൽ സാ​ധാ​ര​ണ ചോ​ക്ലേ​റ്റ് ബാ​റി​ൽ ഈ ​ഗു​ണം ഉ​ണ്ടാ​കാനിടയില്ല.

ഹൃ​ദ​യാ​ഘാ​തം, സ്ട്രോ​ക്ക് സാ​ധ്യ​ത കു​റ​യ്ക്കും

ഫ്ല​വ​നോ​ൾ​സ് അ​ട​ങ്ങി​യ കൊ​ക്കോ ര​ക്ത​ക്കു​ഴ​ലു​ക​ളെ അ​യ​വു​ള്ള​താ​ക്കി ര​ക്ത​സഞ്ചാരം കൂ​ട്ടും. ഇ​ത് ഹൃ​ദ​യാ​ഘാ​തം, സ്ട്രോ​ക്ക് എ​ന്നി​വ​യ്ക്കു​ള്ള സാ​ധ്യ​ത കു​റ​യ്ക്കും.

ത​ല​ച്ചോ​റി​ലേ​ക്കു​ള്ള ര​ക്തസഞ്ചാരം മെ​ച്ച​പ്പെ​ടു​ത്തും

കൊ​ക്കോ​യി​ലെ പോ​ളി​ഫീ​നോ​ൾ​സ് ത​ല​ച്ചോ​റി​ലേ​ക്കു​ള്ള ര​ക്തസഞ്ചാരം കൂ​ട്ടി ഓ​ർ​മ​ശ​ക്തി മെച്ചപ്പെടുത്താനും ക്ഷീ​ണം കു​റ​യ്ക്കാ​നും സ​ഹാ​യകം

ശരീരഭാരം നിയന്ത്രിക്കുന്നതിന്

മി​ത​മാ​യ അ​ള​വി​ൽ കൊ​ക്കോ ക​ഴി​ക്കു​ന്ന​ത് ശ​രീ​ര​ത്തി​ലെ ഊർജ ഉ​പ​യോ​ഗം ക്ര​മീ​ക​രി​ക്കാ​നും കൊ​ഴു​പ്പ് ക​ത്തി​ക്കാ​നും സ​ഹാ​യകം.

കാൻ​സ​ർ പ്ര​തി​രോ​ധത്തിന്

കൊക്കോയിൽ ഫ്ല​വ​നോ​ൾ​സ് ധാരാളം. ഫ്ല​വ​നോ​ൾ​സ് സന്പന്നമായ ഭ​ക്ഷ​ണ​ക്ര​മം കാൻ​സ​ർ സാ​ധ്യ​ത കു​റ​യ്ക്കാ​ൻ സ​ഹാ​യകം

ആ​സ്ത്മ​യ്ക്ക് ആശ്വാസം

കൊ​ക്കോ​യി​ൽ അ​ട​ങ്ങി​യ തി​യോ​ബ്രോ​മി​ൻ, തി​യോ​ഫി​ലി​ൻ എ​ന്നി​വ ആ​സ്ത്മ ബുദ്ധിമുട്ടുകൾ കുറയ്ക്കാൻ സഹായകം

നെഗറ്റീവ് ചിന്ത കുറയും

2022ലെ ​ഒ​രു പ​ഠ​ന​ത്തി​ൽ 85% കൊ​ക്കോ അ​ട​ങ്ങി​യ ഡാ​ർ​ക്ക് ചോ​ക്ലേ​റ്റ് 3 ആ​ഴ്ച ക​ഴി​ച്ച​വ​രി​ൽ നെഗറ്റീവ് ചിന്തകൾ കു​റ​ഞ്ഞ​താ​യി ക​ണ്ടു.

ദിവസം എത്രത്തോളം കഴിക്കാം?

സാധാരണ ഒരാൾക്ക് 1 മുതൽ 2 ടീസ്പൂൺ വരെ, അതായത് 5 മുതൽ 10 ഗ്രാം വരെ ശുദ്ധമായ, മധുരം ചേർക്കാത്ത കൊക്കോ പൊടി കഴിക്കാം.

സാധാരണ ആരോഗ്യമുള്ളവർക്ക്:

കഴിച്ചു തുടങ്ങുന്നവർ: ദിവസം 1 ടീസ്പൂൺ (2.5 ഗ്രാം) മതി
പതിവായി കഴിക്കുന്നവർ: ദിവസം 1 - 2 ടേബിൾസ്പൂൺ (5 - 10 ഗ്രാം) വരെ ആകാം. ഇതിൽ നിന്ന് ഏകദേശം 40 മില്ലിഗ്രാം ഫ്ലവനോൾസ് ലഭ്യമാകും

എപ്പോൾ കുറയ്ക്കണം ?

• അസിഡിറ്റി / നെഞ്ചെരിച്ചിൽ ഉള്ളവർ
  - മൈഗ്രേൻ ഉള്ളവർ
  - വൃക്കയിൽ കല്ല് ഉള്ളവർ (കൊക്കോയിൽ ഓക്സലേറ്റ് ഉണ്ട്)
  - ഉറക്കക്കുറവ് ഉള്ളവർ - വൈകിട്ട് 5 മണിക്കു ശേഷം കഴിക്കരുത്
  
  അര ടീസ്പൂൺ മാത്രം കഴിക്കാം

എന്തുകൊണ്ട് കൂടുതൽ പാടില്ല?

കൊക്കോയിൽ നേരിയ തോതിൽ കഫീൻ (100 ഗ്രാമിൽ 230മില്ലിഗ്രാം) ഉം തിയോബ്രോമിനും ഉണ്ട്. 10 ഗ്രാമിൽ കൂടുതൽ കഴിച്ചാൽ
- ഹൃദയമിടിപ്പ് കൂടുക
- തലവേദന
- വയറിളക്കം
- ഉറക്കം നഷ്ടപ്പെടുക

എ​ങ്ങ​നെ കഴിക്കണം?

10 ഗ്രാം ഒരുമിച്ച് കഴിക്കരുത്. രണ്ടു ഭാഗങ്ങളാക്കി കഴിക്കുക

- രാവിലെ: ചൂടുവെള്ളത്തിലോ ബ്ലാക്ക് കോഫിയിലോ ഓട്സിലോ 1 ടീസ്പൂൺ
- വൈകിട്ട്: സ്മൂത്തിയിലോ പാലിലോ 1 ടീസ്പൂൺ

പഞ്ചസാര ചേർക്കരുത്. ശർക്കരയോ തേനോ ചെറിയ അളവിൽ ആവാം.

- 70% അ​ല്ലെ​ങ്കി​ൽ 85% കൊ​ക്കോ ഉ​ള്ള ഡാ​ർ​ക്ക് ചോ​ക്ലേ​റ്റ് ക​ഴി​ക്കു​ക
- സ്മൂ​ത്തി​യി​ൽ ചേ​ർ​ക്കു​ക, പു​ഡ്ഡിം​ഗി​ൽ ചേ​ർ​ക്കു​ക
- പ​ഴ​ങ്ങ​ൾ​ക്ക് മു​ക​ളി​ൽ (വാ​ഴ​പ്പ​ഴം, സ്ട്രോ​ബെ​റി) വി​ത​റി കഴിക്കുക

ചോക്ലേറ്റ് കഴിച്ചാലും മതിയോ?

ചോ​ക്ലേ​റ്റ് നിർമാണത്തിനാണു കൊ​ക്കോപ്പൊ​ടി പ്ര​ധാ​ന​മാ​യും ഉ​പ​യോ​ഗി​ക്കു​ന്ന​ത്. സാധാരണ ചോ​ക്ലേ​റ്റി​ൽ കൊക്കോ പൊടിക്കൊപ്പം പ​ഞ്ച​സാ​ര​യും കൊ​ഴു​പ്പും കൂ​ടു​ത​ലാ​യി ചേർത്തിട്ടുള്ളതിനാ​ൽ ചോക്ലേറ്റ് മി​ത​മാ​യ അ​ള​വി​ൽ മാ​ത്രം ക​ഴി​ക്കു​ക.